ياشيعتي رغم عداي وقت العطش ذكروني

[احلام]

باسم الكربلائي
ياشيعتي رغم عداي وقت العطش ذكروني ** كلما تشربون الماي وقت العطش ذكروني

ياشيعتي وقت الشرب ذكروني دلالي ظامي ** عدواني من ماي العذب حرموني حرمو ايتامي

أنا الذبيح ابلا ذنب سلبوني والجسم دامي ** دمع الحزن والاشجان يا شيعه لا تنسوني

انا الغريب العطشان وقت العطش ذكروني

يا شيعتي نار العطش بين احشاي تلهب وتسري ** قلبي انخمش فكري اندهش من دنياي وليدري يدري

فوق الترب خدي انفرش حيل اعداي هشمت صدري ** يا شيعتي ابجرد الخيل عقب القتل سحقوني

جمر العطش هد الحيل وقت العطش ذكروني

شيعتي ولو يوم انفقد منكم شاب عنكم تأخر ** ذكروني من شفت الولد جسمه انصاب و بالدم تعفر

غابت الروح من الجسد لمن غاب عن عيني الاكبر ** لفراق الاكبر ما لوم ونخمد نور عيوني

انا الوحيد المظلوم وقت العطش ذكروني

اليفقد عضيدة وبي غدر هضم البين جور الفجيعه ** خل يذكر امصاب القمر والكفين ظلت قطيعه

بين العدا وسهم الغدر صاب العين يم الشريعه ** حيلي انهدم عالعباس خابت عليه اظنوني

فيض المدامع يا ناس وقت العطش ذكروني

لو شفتو عريس انفجع والاحزان زيدت همه** ذكروه ابجاسم من وقع عالتربان والحنه دمه

تالي العرس نحره انقطع والعدوان وذرة جسمه** ابدال العرس دمه يسيح ومصابه غير لوني

شني اسمعت صوته يصيح وقت العطش ذكروني
شيعتي ولو منكم طفل قلبه يذوب وينقطع نحره** يذكر رضيعي المنقتل ابلايه ذنوب وبقلبه جمره

عبد الله نحره منفصل وعلى المصيوب نسكب العبرة ** ابعيني شفت طفلي انصاب ياشيعه لا تلوموني

كبدي انفجع قلبي ذاب وقت العطش ذكروني

لو شفتو عيله امحيره والايام جارة عليها ** اتذكرو عيالي اميسره وغدرو بيها

والحرم مدمعها جره على الايتام وميسريها ** وتنادي زينب بدموع منهو اليشد ظعوني

جاوبها راسي المقطوع وقت العطش ذكروني

[ابو تحسين]

اللهم صلي على محمد وال محمد وعجل فرجهم والعن اعدائهم
بوركت يااختاه وبوركت الزينبيات باحدى النجائب
انك قلت فاصبت وسمعناك فامنا ان الله مع المؤمنين والمؤمنات
نود المزيد من نبع الطهر ليزيكنا الله ثوابا

[احبك يا عراق]

وفقك الباري وعاشت الأيادي على الاختيار الرائع

[مرتضى ناصر]

جزاكٍ الله خيرا
ياست احلام
تحياتي

[يد الوفاء]

وفقك الله لكل خير ان شاء الله تحياتي لك

[بنت علي ع]

بسمه تعالى
اللهم صل على محمد وآل محمد
السلام على الحسين العطشان
بوركت اختي الغالية ننتظر المزيد
تحيااااااااااااتي

[سيد صالح]

احسنتم وبارك الله في جهودكم وجعل هذه القصيدة في ميزان اعمالكم

[شهداء الانبار]

اللهم صلي على محمد وال محمد